Jotunheimen Panorama

Nesten svevande over vakre Bøverdalen ligg Hugin og Munin, to Artic Domes, like under Juvassplatået og ventar på deg som ynskjer eit overnattingstilbod som har det vesle ekstra.

Kvar morgon, når dagen gryr, flyg Hugin og Munin ut i verda. Dei flyg både over Åsgard og Midgard. Dei legg merkje til det som skjer og dei høyrer kva som vert sagt. Ved dagens ende kjem dei attende og set seg på akslane til Odin og kviskrar han i øyra kva dei har sett og høyrt frå både menneska og gudane si verd.

Me ynskjer at du som overnattar hjå oss skal sitje att med eit minne om å ha vore nær den mektige naturen kring deg; midt imellom Jotunheimen og Breheimen, og at tankane har fått rom til å flyte.

Overnattingsdomane er innreia med dobbelseng, komfortable kvilestolar, enkelt tekjøken og kjøleskap. Fokuset er på utsikta og moglegheit for avslapping i eit storslege landskap.

Frå domane er det gangavstand til Galdhøpiggen klatrepark, Raubergstulen turisthytte, 9 km bilveg opp til Juvasshytta og 24 km til Lom sentrum.

Booking open frå 1.august 2018 via post@aktivilom.no